بسبوسة بالشعيرية ..

مرحبا اخواتي
شخباركم؟

يلا كل وحدة تدخل المطبخ اليوم وتسوي طبق حلوو الى افراد عائلتها
وهذا الطبق حلوو وخفيف بعد

1 كاس سميد
1كاس زيت
نص كاس سكر
4 بيضات
1 ملعقه كبيره بيكن باودر
1 علبة نستله
1 كيس شعيريه باكستانيه
1 بسكوت شاي 200 غ

الطـــــــــريقـــــه :

اول شي نكسر البسكوت قطع صغييييييييييره ونخليه على جنب

نخلط البيض والسكر والزيت بالخلاط ... وبعدها نضيف السميد والبيكن باودر لما يتجانس الخليط مع بعض

نضيفه على البسكووووووووت وراح يطلع معاي خليط ثقيل اشوي

افرشه في صينية فرن مدهونه ... واحط عليه الشعريه المفتته واغطيه فيها زين يعني كثري منها ... وضغطي عليها اشوي على الخليط

ودخليها الفرن على درجة 160 حتى تنضج ) ... وبعدها افتحي الفرن من فوق حتى تتحمر الشعريه

طلعيها من الفرن واسقيها على طول حليب نستله وخليها لما تتشرب الحليب كله قطعيها مربعات ووزعيها بصحون التقديم
وتراها لذيذه جدااااااااااااااا وكل ما ابردت تصير احلى بس لاتحطينها بالثلاجه خليا تبرد على راحتها

وبالعافية عليكم

ولاتنسونا من دعاائكم